السلام عليكم
البوسط دة عن موضوع متكرر وهو الشكوي من ان علاجات الطيور وبخاصة الدواجن والحمام ما بتجبش نتيجة او بالسرعه المطلوبه
وقبل الرد لازم تعرف ان كل الامراض لما تكتشفها في الاول نسبة الشفاء تصل ل 100% ولما تكتشفها متاخر تنخفض الي اقل من 50%
علشان كدة مزارع الدواجن ماشية ببرنامج علاجي وقائي بتدي الادوية حسب جدول زمني تحسبا لظهور المرض يعني العلاج سابق المرض
طيب بالنسبة للحمام او طيور الزينه بصفه عامه صعب نشتغل بالاسلوب دة لانك راح تضعف المناعة الطبيعية والحمام يعتبر طائر معمر منتج لاكثر من 10سنين غير الدواجن لو تسمين اقصي حاجة الساسو 50 يوم ولو بياض اقصي حاجة ١٨ شهر
يبقي نركز في اكتشاف المرض اول باول واختيار العلاج المناسب له ورفع مناعة الطائر بالاملاح والفيتامينات والاحماض الامينية مرة في الاسبوع و استخدام مضادات السموم مرة في الشهر علي الاقل واستخدام مضادات الديدان كل 6 شهور
ولما ندي للحمام اي جرعة دواء نشتغل بالاسلوب دة لضمان فاعلية الدواء وعدم اهدار المال في ادوية غالية بدون فائدة
نعمل جرعة الدواء صباحا في كمية مياة تخلص خلال 6 : 8 ساعات كلما قلت كان افضل
ونعطش الطيور 2 ساعة
ونعمل الدواء جرعة ثانية تخلص خلال 6 : 8 ساعات
الماء بالدواء ما يكونش معرض للشمس وفي الصيف ممكن تحط داخل المسقي قطعة ثلج لان الحرارة والضوء بيتلف الدواء
بالليل الجو مظلم تشيل الماء وتخلي الطيور ترتاح وتستجمع قواها ومع الصبح راح تكون متعطشة للماء وراح تقبل علي شرب الماء بالدواء
مدة الدواء من 5 : 7 ايام وتريح يومين تدي خلالهم رافعات مناعة وفيتامينات واملاح
وتكرر مرة تانية اذا استدعي الامر
في كل الاحوال يحزر استخدام الفيتامينات اثناء الاسهالات لانة بيزودها ممكن تستخدم الاملاح تعويض الفقد في الاسهال خلال فترة اليومين اوبين الجرعات مش مع المضادات الحيوية حتي لايفسدها
مع المضادات الحيوية لايضاف اي فيتامينات او املاح ويفضل ازالة مخلوط التحديق
يفضل قبل استخدام المضادات الحيوية و بعدها في الامراض المعوية عمل جرعة مضادات سموم . قبل المضاد الحيوي بتخلص الجسم من سموم الميكروب وبتخلي وسط الجهاز الهضمي حامضي وهو غير مناسب للميكروبات بيضعفها وبالتالي المضادات الحيوية بتشتغل بفاعلية اكثر . وبعد المضادات الحيوية بتخلص الجسم من اي بواقي منها بترهق الكلي والكبد
وطبعا الاهم من دة كلة تستخدم العلاج المناسب للمرض
نسئلكم الدعاء
سامح محمد
( كن شريك في الثواب - شير تؤجر )
تعليقات
إرسال تعليق