تصحيح بعض المفاهيم الخاطئه عن تغزيه الطيور بالقمح وتسببه في الاصابه بالديدان Correcting some misconceptions about birds feeding wheat and causing worms
السلام عليكم
موضوع القمح بيجيب ديدان أو اسهالات أو أمراض أو بيعيق نمو الطيور و الحيوانات
وقبل ما نرد على السؤال نوضح بعض الحقائق
القمح والشعير من العائله النجيليه
والاثنين قريبي الشبه من حيث النمو الخضري أو طريقه الزراعه أو المكونات أو حتى الاستخدامات
القمح بنروج له كذب انه بيجيب ديدان ويسبب اسهالات و الشعير بنروج له صدق انه غسول كلوي ومنشط كبدي ومنشط جنسي
الاثنين نفس العائله والاثنين تقريبا مكونات واحدة
القمح عملوه شيطان و الشعير عملوه ملاك
القمح مستخدم في كلفه شركة جريمو الفرنسيه بنسبه ١٦٪
ومستخدم في شركة اللاحم الصيني بنسبه ٢٥٪
بالنسبه لانه بيجيب الديدان الكلام ده عاري تماما من الصحه ولا يقبله عاقل
القمح محصول زي اي محصول لو بيجيب ديدان يبقى باقي المحاصيل تجيب ديدان ولا القمح مزروع في الأرض وباقي المحاصيل مزروعه في السماء
بالنسبه الإسهالات
ممكن تيجي من استخدام بروتين أو دهون زياده
طيب القمح نسبه البروتين فيه حوالي ١٢٪ أقل من البقوليات باكثر من النصف بروتينها ( ٢٥ إلى ٣٠٪)
الدهون ١.٥٪ أقل من البقوليات من الربع دهونها حوالي ٦٪ وأقل من الزرة دهونه ٤.٥٪
منين يجيب اسهال
من الياف الرده مثلا لأنه أعلى فيها بأكثر من الضعف أو ثلاث أضعاف المحاصيل الأخرى ودة صعبه الهضم شويه وفعلا علاج فعال لأي حد عنده إمساك
بس عمرها ما تكون سبب للاسهالات لأن الرده أو النخاله بتمتص الماء وتحسن عمليه الإخراج وبتستخدم مكون رئيس في تصنيع الاعلاف
طبعا أنت بتكلف بقمح مع مكونات تانيه بالتالي مفيش اي مشكله والا كانت فرنسا والصين بطلت استخدامه ولا هما معندهمش المعلومه دة ؟؟؟؟
بالنسبه لوسائل انتقال العدوى بالديدان ده ليها بوسط لوحدة
بالمناسبه انا كنت شغال كلفه ٤٠٪ زره عويجه و ٤٠٪ قمح و ٢٠٪ فول ابيض مدشوش بدون قشر
ودة بروتين حوالي ١٤.٨٪
والحمد لله مفيش اي اسهالات
ومع ارتفاع أسعار الزره خلال عام ٢٠٢١ أصبحت باكلف بقمح ٥ كيلو عليهم ١ كيلو فول مدشوش وبكده بروتين الكلفه أصبح حوالي ١٥٪ ومفيش اسهالات أو ديدان؟؟
وشغال بيها لاحم وجمعيات وبنيدا
طيب موضوع بينقل أمراض أو سلامونيلا؟؟؟
ده كلام لايقبله عاقل خايفين على الطيور والحيوانات من نقل القمح للأمراض ومش خايفين على الإنسان ولا يوجد فرد أو انسان في العالم لايتغزي على القمح سواء خبز أو مكارونه أو فطائر ٠٠٠ الخ
طيب موضوع بيخفض الوزن أو بينشف الزغاليل أو الطيور؟؟
طبعا وللأسف ده كلام لايقبله عاقل منين لما الإنسان بيحاول يخس اول حاجه بنقول له قلل من أكل الخبز و الماكرونه والفطائر... الخ
القمح بروتين ١٢٪ يعني أعلى من بروتين الزره المقدر ب ٩ إلى ١٠ ٪
ومستخدم في التغزيه للطيور والحيوانات في جميع بلدان العالم
بس ارتفاع ثمنه عن الزره الصفراء وطلب الاستهلاك البشري له أعلى بيعطي اولويه للزره الصفراء الأقل سعرا وأكثر إنتاج من القمح
نسئلكم الدعاء
سامح محمد
( كن شريك في الثواب - شير تؤجر )
تعليقات
إرسال تعليق