الفرق بين مضادات السموم البيلوجيه والحامضيه.The difference between biological and acidic antitoxins

 السلام عليكم 
الفرق بين مضادات السموم الحامضيه  والبيلوجيه 


وللتبسيط  لوجبت حبوب قمح وافترضنا انها سموم 


وكسرنها أو تم طحنها تحول القمح لدقيق


 وده بالضبط إلى بتعمله مضادات السموم الكيماويه الحامضيه بتكسر السموم وبتفضل السموم كما هي بس بحجم أقل ممكن ينزل مع البول والروث أو الزرق وممكن يدخل الاوعيه الدمويه ويسبب أضرار أكبر 

طيب المضادات البيلوجيه بتعمل ايه

 بتاخد السموم و تتفاعل معاها وتحولها لمركبات أخرى غير ضاره 

بمعنى تحول التوكسينات السامه لمركبات غير سامه بفعل الانزيمات المفرزه منها 
السموم الفطريه بتتكون من نواتج هضم وتحلل الفطر للوسط الغزائي أو الوسط النامي عليه وتكون غالبا  مركبات وسطيه فى عملية الأيض الغذائى وهى مشتقه اما من الجلوكوز أو الأحماض الدهنية أو التربينات والاسترويدات أو الأحماض ثلاثية الكربوكسل أو الاحماض الأمينية. 

عكس السموم البكتيريه بتكون مواد بروتينيه اساسا 

و البكتريا والفطريات المفيده بتفرز انزيمات لها القدره على تحليلها وبالتالي القضاء على تأثيرها الضار 

وللتبسيط البكتريا في الزبادي بتنجح في تغير تركيب ومواصفات اللبن وتحويله لزبادي 



وفطر الخميرة بيغير من تركيب الدقيق ويحوله لعجين

 
وكلاهما علشان يعمل التغير ده بيتفاعل مع النشا والسكر و البروتين ويحولهم لمركبات أخرى 
وعلشان كده لو سبنا الدقيق يخمر لفتره طويله بخلي العجين يسيح ولا يصبح متماسك ونشم رائحة الخل و الكحول 
ودول مش مضافين على الدقيق إنما فطر الخميره صنعهم بفعل انزيمات هضم وتحليل النشا والسكر و البروتين
مضادات السموم الحامضيه العضويه اساسا بتتكون من مجموعه من الأحماض مثل حامض الخليك والفسفوريك ومجموعه أخرى من خلات مختلفه 
بينما مضادات السموم البيلوجيه بتتكون من فطريات وبكتريا مفيده في وسط غزائي
طيب سؤال أيهما أفضل مضادات السموم البيلوجيه ولا الحامضيه 
يبقى لازم نعرف امتى نستخدم كل نوع 
مضادات السموم الحامضيه نتيجتها سريعه في نفس وقت استخدامها ويفضل استخدامها قبل أي كورس مضاد حيوي لأنها بترهق البكتريا والميكروبات الضاره وتساعد المضاد الحيوي يشتغل أسرع وان كانت ممكن تساعد على سرعه دخول جزيئات السموم الصغيره بعد تكسرها للدم وده مشكله تانيه ومن أهم عيوب استخدامها 
مضادات السموم البيلوجيه بطيئه نسبيا في أحداث أثرها ويلزم الانتظام عليها الوقايه ولتحسبن النمو لأنها بخلاف استخدامها كمضادات سموم بترفع المناعه والنمو وتساعد على الهضم  
والسؤال 
هو ينفع نعمل بأنفسنا مضاد سموم وغسول كلوي ورافع مناعه ومحسن نمو  بيولوجي

 (  البروبيوتيك ) ؟؟؟
الاجابه
اكيد ينفع 
والمكونات معلقه شاي خميرة بيرة و ملعقة اكل عسل اسود  وَملعقة اكل زبادي
كل ده على لتر ماء ويترك ٣ سعات في جو دافيء قبل تقديمه للطيور لإعطاء فرصه لتكاثر فطر الخميرة و بكتريا  الزبادي ويقدم لجميع أنواع الطيور  على عطش



ونشوف مع بعض فوائد المكونات ده  
الخميرة اساسا بتساعد على زيادة وزن الزغاليل و هناك دراسات كتير  عن اضافتها لاعلاف دواجن التسمين


لانها بتزود الفلورا الطبيعيه ودة إلى بتساعد على الهضم بخلاف أن فطر الخميرة خليه غنيه بالبروتين حوالي ٥٢٪  وسهله الهضم و بيتكاثر باعداد كبيرة في وقت قصير وخصوصا مع تواجد محلول سكري.
بخلاف احتواء الخميرة على مجموعه كبيرة من الفيتامينات و الأملاح و الأحماض الامينيه ويكفي احتوائها على مجموعه فيتامين ب الهام للاعصاب و الدم
طيب الزبادي 



الزبادي بيحتوي على مجموعه كبيرة من الفطريات و البكتريا النافعه وأهمها
البكتيريا الملبنة وده حوالي ٥٠ نوع
بكتريا الشقاء وده حوالي ٢٠ نوع
البكتريا العقدية الحره
بكتريا النستق
البكتريا المكوره العقديه
معظم الأنواع ده موجوده في الجسم طبيعي سواء الإنسان أو الحيوان أو الطيور
و بتختلف إعدادها وكمياتها من كائن حي لكائن حي آخر
وتتميز بكتريا الزبادي بفوائد كبيرة منها
 إفراز انزيمات للهضم
 مهاجمه الكائنات الحيه الضاره
تكسير التوكسينات والسموم المفرزه من البكتريا الضاره
تسهيل وتنظيم كولسترول و السكريات بالدم و بالتالي تحسين أداء الدورة الدمويه
تقي وتعالج الالتهابات بالجسم ووقايه ضد السرطان و أمراض الجهاز الهضمي و المسالك البوليه
علاج فعال في حالات الإسهال
وتتميز منتجات الألبان بصفه عامه بأنها مدره للبول و بتالي بتحسن وظائف الكلي
والعسل 


العسل بينشط تكاثر الخميرة والبكتريا  بخلاف احتوائه اساسا على مجموعه متكامله من الأملاح والعناصر المعدنيه الهامه
والخميرة والعسل والزبادي محتوى على عنصر البوتاسيوم ودة لوحدة كفايه دة صانع ألعاب وظائف الجسم المختلفه ويكفي انه بيقوي عضله القلب بخلاف باقي عضلات الجسم
الخميرة والعسل والزبادي يعتبرو وجبه غزائيه متكامله فما بالنا لو انتظمنا في استخدامهم على الكلفه أو ماء الشرب راح تلاحظ مع الوقت نمو الدواجن أو الحمام أو الارانب بشكل أفضل و ارتفاع مناعه الطيور و نظافه الكبد لأن فيتامين ب منشط كبدي شبه الأوحد المتربع على هذه الوظيفه وعلشان كدة فاركو فيت علاج لأمراض الكبد البشريه ومحتوى على فيتامين ب
طبعا فوائد و مكونات الخميرة و العسل والزبادي كتير وسهل تبحث عنها على النت
طبعا بخلاف القيمه الغزائيه وسهوله الامتصاص والتمثيل الغزائي  وده كفيل وحده بأنه يعيد للطيور والحيوانات وحتى. الإنسان عافيته بعد أي أمراض مرهقه أو علاجات منهكه
بخلاف تعويض الدم عن أي انزفه من أي جروح أو مشاكل معويه 
الخميرة مستخدمة  في العلاجات و الخبز من ٢٠٠٠ سنه قبل الميلاد
وحديثا عش الغراب أو المشروم نوع من انواع الفطريات و يماثل تركيبه تركيب الخميرة ودة بيروج له على مستوى العالم انه افضل من اللحم لأن البروتين فيه أسهل في الهضم و الامتصاص و لا يسبب مشاكل النقرص أو زيادة ألاملاح  كما في البروتين الحيواني 
الخلطه ممكن تستخدمها مرة أو اثنين كل أسبوع و لو على طول مفيش مشكله ودة صيفا و شتاء
نسئلكم الدعاء 
مهندس زراعي / سامح محمد 
(  كن شريك في الثواب  -  شير تؤجر )