السلام عليكم
كام سؤال بيتكررو كل شويه عن الخميره على الجروبات
ايهما أفضل للاستخدام؟؟؟
1- استخدام الخميرة البيطري ولا البشري ولا الجافه أو الفوريه و لا الخميرة البيرة في تغزيه الطيور والحيوانات
2- هل تحتوي الخميرة على بكتيريا نافعه أو ضاره أو مثبطه أو معطله ؟؟؟
3- هل في أضرار من الانتظام على استخدام الخميرة؟؟
للتوضيح
الخميرة اساسا فطر
يعني مفيش فيها بكتيريا نافعه أو ضاره أو مثبطه أو معطله لأنها فطر اساسا!!!!!!!!
الخميرة البشري و الخميرة الجافه والخميرة البيرة والخميره البيطري كلها بيستخدم فيها فطر اسمه فطر الخميرة !!!!
وفطر الخميرة مثل أي نوع فطريات له عدة سلالات أو أنواع داخله بعضها ضار وبعضها مفيد
المستخدم طبعا النوع النافع
فوائد الخميرة لاتعد ولا تحصى
يكفي احتوائها على ١٢ نوع احماض امينيه وفيتامينات
واحتوائها على نسبه كبيرة من البروتين من نتيجه تكاثرها وزياده إعدادها والبروتين ده اساسا جدار خلية الفطر
وبيحتوي على الفوسفور ومجموعه فيتامين ب
فوسفور الخميرة هام للإنسان قبل الحيوان و الطيور بينطم مستوي الكالسيوم بالدم ويحد من إضراره
بروتين الخميرة يفوق أو يعادل بروتين اللحوم بس بيمتاز عن اللحوم بسهوله الهضم
علشان كده فطر عش الغراب أو المشروم بيروج له عالميا انه البديل الأمثل والارخص للحوم
الخميرة من أهم مكونات اي كورس لزياده الوزن والتسمين علشان كده شغاله في إضافات الاعلاف والبريمكسات ومحفزات النمو
لأن لها القدره على إفراز انزيمات تمنع زوبان أو تحلل الدهون
وبالتالي بتساعد على تراكم الدهون وزياده الوزن
ولما بيتوصف حبوب الخميرة للسيدات ليساعد على نظارة الوجه بزياده طبقه الدهون تحت البشرة
المهم
الخميرة اساسا فطر شغلته تحلل وهضم النشويات والكربوهيدريات والسكريات
علشان كده بينشط في الدقيق خلال دقائق معدوده ويزود من حجمها لأن نواتج تحلل الدقيق بتدخل بين حبيبات الدقيق وتعمل فواصل ويزيد حجم الدقيق بسرعه أثناء تحوله لمزرعه كبيرة من نشاط فطر الخميرة
ولو سبت العجين لفتره طويله راح يسيح وتشم رائحة خل و كحول من كثافه وغزارة نواتج هضم وتحليل النشويات
أفضل استخدام للخميرة البيطري لسهوله معرفه الجرعه وطريقة الاستخدام ومكتوبه على العبوة وده مش عبوة خميرة فقط
عبوات الخميرة البيطري بتحتوي مع فطر الخميرة مع إضافات أخرى كثيره منها الأملاح والاحماض الامنيه والفيتامينات واسمها بريمكسات خميرة
بالنسبة للافضليه التاليه
الخميرة البيرة
ودة تستخدم ملعقة شاي صغيرة على ملعقة اكل عسل اسود على لتر ماء وتقدم في كميه مياه شرب تخلص في نصف اليوم وباقي اليوم ماء عادي
يمكن استخدام الخميرة فقط أو بريمكسات الخميرة مخلوطه بالاعلاف أو الكلفه طوال العام
أضرار الخميرة الزائدة التسبب في اسهالات
طول ما الزرق والروث طبيعي أو لين بسيط لايوجد اي أضرار من استخدام الخميرة حتى ولو استخدمتها يوميا
مع البوسط صوره لعبوة خميرة أمريكي بتوصف لمعالجه الإجهاد بعد العمليات الجراحية و السباقات الرياضيه يعني منشطه ومقويه
ملاحظات :-
في معلومة علميه ناس كتير بتفهمها غلط وان الخميرة ليها أضرار
لأنها بتخلط بين الفطر الضار والنافع
مثلا فطر الكنيديا ضار وخصوصا لو توجد مع أنواع أخرى مثل بكتيريا الكولاي... الخ
بينتج من نشاطهم بروتين سام وضار جدا ومميت وده نتيجه اتحاد نواتج هضمهم وده ليها بوسط تاني
نسئلكم الدعاء
مهندس زراعي / سامح محمد
( كن شريك في الثواب - شير تؤجر )
تعليقات
إرسال تعليق