الوقاية للحمام والبدائل البشرية لاهم الامراض والاستعداد للسباقات Prevention of pigeons and human alternatives to the most important diseases and preparation for races
السلام عليكم
موضوع الوقاية للحمام والبدائل البشرية لاهم الامراض والاستعداد للسباقات
مبدئيا للوقاية
خل منزلي ٢٠ سم علي لتر ماء
او ١.٥ سم صبغة يود علي لتر ماء
او ١ سم بيتادين ١٠٪ علي ٣ لتر ماء ويفضل استخدام يود بيطري
اي حاجة من الحجات دة مره او اثنين في الاسبوع
العلاج وقت المرض فقط ما ينفعش علاج للوقاية انما ممكن لقاحات للوقاية زي لقاح السلامونيلا مرة كل ٨ شهور والنيوكاسيل مرة كل عام والجدري مرة كل عام
بالنسبة لبدائل العلاجات البشرية لاهم الامراض كما يلي :-
للسلامونيلا ثفيوفينيكول ٢٥٠ او كلوروفينيكول ٢٥٠ او سيدوستين تدوب القرص في ربع لتر ماء علي عطش سقوة صباحا وسقوة مساء جماعي من ٥ الي ٧ ايام
للتنفسي دوكسي ميسين ١٠٠ مللي جرام
تدوب القرص في ربع لتر ماء جماعي سقوة صباحا وسقوة مساء من ٥ الي ٧ ايام
الكنكر قرص فلاجيل ٥٠٠ قرص في نصف لتر ماء علي عطش سقوة صباحا وسقوة مساء من ٥ الي ٧ ايام
الديدان بنادكس بشري ٥ سم علي لتر ماء يومين و يكرر بعد ١٤ يوم مرة واحده
مضادات السموم والغسول الكلوي وادرار البول
اضافة ملعقة عسل اسود علي ٢٠ سم خل علي لتر ماء يومين
لزيادة الطاقة والحيوية وقت السباق
ملعقتين اكل عسل اسود علي لتر ماء قبل السباق بنصف ساعة
واضافة ١٠٠ جرام زيت زيتون للكلفة الناعمة قبل السباقات ب ٣ ساعات
الحجات دة تزود الطاقة والحيوية للطيور
الفيتامينات البشري كتير وكلها تنفع عندك فينادوب و فيتامونت و وفاركوفيت
وخدها قاعدة كل فيتامينات المجموعة B وخصوصا B12 منشطة الكبد
الفيتامينات جماعي شراب ٥ سم علي لتر ماء ولو حبوب بشرية كبسولة علي لتر ماء
الفيتامينات مش بالكترة اهم حاجة الانتظام عليها
نسيت ممكن تستخدم فاركون اس ١ جرام علي لتر ماء او برنتوتاك ١ جرام علي ١٠ لتر ماء سقوة مرة او اثنين كل اسبوع ورش وتطهير اللوفت
والاهم من دة كله استقبال الحمام بعد السباق
كالاتي
كيس محلول الجفاف علي لتر ماء مضاف عليه ملعقة اكل عسل و فيتامين C جرام علي اللتر
والكلفة تكون نشوية مش بروتينية بمعني القمح والزرة الصفراء والعويجة ثلاث اربع والربع حبوب بقولية
الكلام دة قابل للاضافة لان موضوع سباقات الحمام كبير وفي شيوخ في الغية ليهم خبرات لايمكن تجاهلها
نسئلكم الدعاء
سامح محمد
( كن شريك في الثواب _ شير تؤجر )
تعليقات
إرسال تعليق