السلام عليكم
استكمالا لزيادة الثقافه ولمعلومتنا عن الحمام اللاحم
في أمريكا سلالة حمام لحم تركيب اسمها تكسيان أو تكسيون أو تكساس أو تكسان... الخ
الأمريكان بعد ما نجحو في تثبيت تركيبه الكنج إلى كان مخصص اساسا للحم ومع الوقت تحول للمعارض و نظرا لبطء إنتاجه نوعا ما فكرو في استنباط تركيبه حمام لحم جديد
وظهر في تكساس أوائل القرن ١٩ تركيبة جديدة جمعت بين إناث الفرنش موندين الفرنسي وزكور الكنج
وسموها حمامه تكساس
ومع سنه ١٩٦١ تم الاعتراف بها في المعارض كتركيبة ثابته وأهم ما يميزها
وزن الزكور والإناث البالغه يعادل وزن الزغاليل عمر ٣٠ يوم ودة حاجه استثنائيه في الحمام لأن الأهالي غالبا بتكون أخف من وزن الزغاليل و الكلام دة عن سلالات اللحم
ليصل وزن الزغلول الواحد حوالي ٨٥٠ جرام ودة مستوى متميز جدا جدا في مجال اللحم
يعيبها إنتاجها حوالي ٨ عشوش في العام
الأرجل صغيرة و الراس صغيرة
ألوانها زاهيه ومن أهم ما يميزها سهوله التعرف على الذكر والأنثى بسهولة ألوان الذكر زاهيه حول الرقبه ولامعه وله طوق براق حول الرقبه والكلام دة طبعا في الأنواع الملونه معروف
الألوان البيضاء بيكون صعب شويه
في مصر مربين لحمامه شبيهه اسمها كنج كارنو بس دة لها رأس أكبر وارجل أطول
الفرنش موندين شبيه ليها بس شكلة مستدير عنها ومرفق صوره للمقارنة
المودينا الإيطالي المستوى الضعيف شبيه بها بس معندوش اي تركيبه ألوان زي تكساس بخلاف حجم المودينا صغير والقياسي منه مستدير
الصور المرفقه كلها من النت
نسئلكم الدعاء
سامح محمد
( كن شريك في الثواب - شير تؤجر)
تعليقات
إرسال تعليق