السلام عليكم
بعض الملاحظات والنصايح لمربي الطيور لو خد باله منها راح يستريح كتير
الكوكسيديا و الكولسترديا والكولاي سهل جدا جدا تيجي للدواجن بحكم الكثافه و التلوث بالزرق
عكس الحمام والعصافير و النعام و نادرا ما تيجي للحمام و خصوصا المحبوس في سلاكات أو سايب في غيه وبيطير إنما ممكن يجي للحمام المحبوس في حجرة مغلقه أو عنبر تربيه مفتوحه وخصوصا في الكثافات والانتظام على سقوة الخل ( ٢٠ سم خل ابيض على لتر ماء) بيحد منها بنسبه كبيرة
نقص الكالسيوم نادرا ما يجي للحمام او الطيور الحره أو غيه أو محبوس في حجرة الارضيه بتاعتها رمله أو تراب إنما ممكن يجي بسهوله للحمام المحبوس في سلاكات وعلشان كدة لازم نهتم بسقوه الأملاح مرة كل أسبوع و سقوة ad3e واحترس من زيادة الجرعه أو تكرارها على فترات متقاربه علشان البيض ما يكبس من صلابه القشر كله بالمعقول
الديدان بسهوله تيجي للحمام الحر و السائب و المحبوس في عنبر مغلق تربيه مفتوحه وخصوصا في الكثافات العاليه ونادرا مايجي للحمام المحبوس في سلاكات أو عنابر مغلقه
ولما تعمل سقوة ديدان يومين ومتلاقيش اي ديدان بلاش تكرارها بعد ١٤ يوم لقيت ديدان كررها بعد ١٤ يوم
ولو في ديدان أو الطيور عندك بتطير و خصوصا في الأماكن الريفيه انتظم في سقوة الديدان كل ٣ شهور
الكنكر سهل جدا الانتشار في التربيه السايبه وخصوصا في العنبر المغلق لانه بينتشر من مساقي المياه
عكس التربيه في سلاكات او عيون مغلقه لان كل عين فيها المسقي بتاعتها
الميكوبلازما سهله تنتقل في التربيه المكثفه وخصوصا مع ارتفاع الرطوبه وعدم وجود توازن بين التهويه ودرجات الحراره
بمعنى الكتمه والتهويه المفاجئة و ارتفاع او انخفاض درجات الحراره الكبير وخصوصا بالنهار عن الليل
ده طبيعي تتعب صدر الإنسان مش الطيور وتعطي فرصه لكل الميكروبات الصدريه تشتغل
الأمراض الفيروسيه مثل الجدري و النيوكاسيل... الخ افضل وقايه ليها التحصين بانتظام
الامراض البكتيرييه الخطيرة اشهرها السلامونيلا ليها تحصين ولو مش عارف. تحصن انتظم على اضافه احماض للمياه وخصوصا الخل بيرهقها ويضعفها ويخلي المناعه الطبيعيه تقضي عليها
الأمراض الفطريه وخصوصا السموم الفطريه الانتظام على سقوه مضاد سموم مره او اثنين كل أسبوع بتقضي عليها ولو منتظم على سقوة خل بنسبة كبيره بتقضي عليها اول بأول
نسئلكم الدعاء
سامح محمد
( كن شريك في الثواب - شير تؤجر )
تعليقات
إرسال تعليق